Katiko malam manjalang laruik
Udaro dingin di bao ribuik
Mato nan indak amuah di Tutuik
Nan tadanga nyamuak bagaluik
Tamanuang badan di suduik
Hati mamang pikiran kusuik
Kaniang laweh bakarinyuik
Muko tagang manjadi bakaruik
Den pandangi camin lah bacando limau puruik
Nan tampak jangguik jo sunguik
Den topang dagu ka lutuik
Taraso lakek pungguang jo paruik
Galang2 sadang bagaluik
Isi paruik taraso lisuik
Sulik bana taraso Hiduik
Saharian kopi sajo nan bahiruik
Indak ciek juo nan tanyunyuik
Takunci rasonyo muluik
Nyali taraso samakin ciuik
Badan bak raso ka bakujuik
Tahampeh tangan talambuik
Tadanga suaro sayuik sayuik
Manyuruah badan untuak ba Sujuik
Kama lah badan ka manuntuik
Indak nan pasa jalan ba Turuik
Banyak hutang nan indak tatutuik
Kini lah bak cando banang Kusuik
Ujuang jo pangka lah basaruik
Indak ka mungkin lai di uruik
kasadonyolah bakalibuik
Tingga Caruik se nan indak basabuik
Sandiwara abih layie lah tutuik...............A.N.T.A.H.L.A.H
0 comments:
Post a Comment